Paz de Westfalia

Paz de Westfalia

Tipu	tratáu de paz
Llocalización	Prinzipalmarkt (en) y Osnabrück Town Hall (en)
Creación	24 ochobre 1648
Robláu por	Sacru Imperiu Romanu Xermánicu, Imperiu suecu, Reinu de Francia, Monarquía Hispánica (es) , Suiza y Provincies Xuníes de los Países Baxos

El términu de Paz de Westfalia referir a los dos trataos de paz d'Osnabrück y Münster, roblaos el 15 de mayu y 24 d'ochobre de 1648, respeutivamente, esti postreru na Sala de la Paz del Conceyu de Münster, na rexón histórica de Westfalia, polos cualos remató la guerra de los Trenta Años n'Alemaña y la guerra de los Ochenta Años ente España y los Países Baxos. Nestos trataos participaron l'emperador del Sacru Imperiu Romanu-Xermánicu (Fernandu III d'Habsburgu), la Monarquía Hispánica, los reinos de Francia y Suecia, les Provincies Xuníes y los sos respeutivos aliaos ente los príncipes del Sacru Imperiu Romanu-Xermánicu.

La Paz de Westfalia dio llugar al primer congresu diplomáticu modernu y empecipió un nuevu orde n'Europa central basáu nel conceutu de soberanía nacional. Dellos historiadores asignen una importancia capital a esti actu,^[1] pos en Westfalia establecióse'l principiu de que la integridá territorial ye'l fundamentu de la esistencia de los Estaos, frente a la concepción feudal de que territorios y pueblos constituyíen un patrimoniu hereditariu. Por esta razón, marcó la nacencia del Estáu nación.^[1]

Hasta la instauración de la Confederación del Rin en 1806, les regles de Westfalia pasaron a formar parte de les lleis constitucionales del Sacru Imperiu Romanu. Les garantíes del Tratáu fueron asumíes pelos países fronterizos col Sacru Imperiu: Francia y Suecia. Ensin la so autorización nun podía camudase nenguna disposición. Asina, los alemanes, que vivíen en más de 300 Estaos independientes, namái podíen fundise con otru Estáu si cuntaben cola aprobación de Suecia y Francia.^[2]

1. ↑ ^{1,0 1,1} «paz-de-westfalia Vigencia de la Paz de Westfalia». La Nacion. Consultáu'l 9 de marzu de 2011.
2. ↑ «La Guerra de los Trenta Años y la Paz de Westfalia». Deutsche Welle. Consultáu'l 9 de marzu de 2011.